بو حالتلرى كوردكده شاد اولورلر زيرا كه خلاصلق نشانيدر و غايت كنهكار اولان زندانيانى هركون مقدارلرينه كوره اشكنجه واجب اولمشدر صف صف چقاروب و هر كروهى اون‌ايكى ديوانخانيه كه انلرايچون اعدل و اكمل وزرا و امرا تعيين اولنمشدر مجرملرى نوبت ايله مومى اليهمك حضورينه كتوروب احواللرى تفتيش اولنه‌رق اوزرلرينه واجب اولان شكنجه و عذابدن جزا و سزالرى و يريلور و برييلده كه اون ايكى ايدر هر برينه ايده بر نوبت دوشوب تا كه اون‌ايكى ديوانده اولان امرانك حضورلرنده هر سنه ده اون‌ايكى كره احواللرى تفحص اولنه رق اقرارلرى ثابت اولوب يازيلور و بو تكراردن مراد احوالى مستور و مخفى قالميوب محفوظ اولور و قانونلرنده اهل زندان خصوصلرى جميع امور ملكندن مقدم طوتوب خاقان متصل اول جانبه نكراندر ولايت چين سكنا سندن نقل اولنور كه بزم زمانمزده شبن بره نام بر زندانده شكنجه و شدت بند و كثرت عقوبتدن بركونده اوج نفر كمسنه هلاك اولدى و قانونلره تلف نفسه خاقاندن خط كلمك كركدر و مزبورلرك وفاتى خبرى خاقانه واردقده غضبه كلوب وزرا و امرايه ايچرودن خط خاقانى چقديكه مهمات اهل زندانده اولقدر اهمال و امهال ايدر سزكه بركونده اوج كمسنه هلاك اولور بو عتابدن عقاب خوفن ايدوب جمله وزرا و امرا بالاتفاق زندانلره كلوب احوال محبوسانى تفحص ايدرك بعضيلرنيك بند و زنجيرلرينى تخفيف و كمينك عذابنى تأخير و طعاملرينه دقت و زياده ايتديلر و اهل زندانك اكل و شربى خاقان جانبندن اولوب كونده بر كره ويررلر و حين اكلده قيد و بندلرين دفع ايدوب و قضاى حاجتلريچون كونده ايكى كره رخصت ويررلر بعده‌ينه مكانلرنده حبس ايدرلر و زندانده اولانلرك توابعى طشره‌دن محبوسلره طعام كتورمك جائزدر اما هر بريسنك ظرفلرى حكام اوكنده علامتلريله معلوم اولوب ادخال و اخراجنده كلى تفتيش و تفحص ايدرلر و خاقانه جميع اهل زندانك ايده بر رجال و نسادن اسم و رسمى و سائر جرم و جنايتى تفصيل اوزره عرض اولنه رق خاقانك معلومى اولور و خانبالغدن غيرى جميع ممالك اهل زندانلرينك دخى احواللرى خاقان چينك معلوميدر سبحان الله نوجهله ضبط قانوندر بو كه در تبيك ييلدن زياده ملكلرينه خلل كلميوب دشمنلرى ولايتلرينه ظفر بولمامشدر ظاهر بودر كه شاهدن كدايه وارنجه كمسه قانونلرينه ذره مقدارى ترك و تأخيره قادر اولمديغى ايچوندر